თეატრი ნოსტალგია სათნოების სახლის სამსართულიანი სოციალური კომპლექსის პირველ სართულზე მდებარეობს. კათარზისის ეს მხატვრული ერთეული აერთიანებს, ერთის მხრივ, მცირე თეატრალურ დარბაზს და, მეორეს მხრივ, ოცამდე ხანდაზმული არტისტისგან შემდგარ თეატრალურ დასს, რომელიც 18 სპექტაკლსა და მრავალ კომიკურ სკეჩს თამაშობს 1993 წლიდან.

აქ ხანდაზმულები საუბრობენ ფინჯან ჩაისა თუ ყავაზე, აღნიშნავენ დაბადების დღეებს, უსმენენ მუსიკას, მართავენ შეხვედრებს. ყოველდღიურად მას 220-მდე ხანდაზმული სტუმრობს. მუშაობს ყოველდღე, მათ შორის სადღესასწაულო დღეებში.კაფე ატარებს ორგანიზაციის დიზაინერის ქალბატონ ჯული სუხიშვილის სახელს, რომელიც გვახსოვს და გვიყვარს...

კათარზისში ფუნქციონირებს მხოლოდ მანდილოსანთა თავშესაფარი. აქ დღეისათვის 14 ხანდაზმულის განთავსებაა შესაძლებელი...თავშესაფარი გახსნილია იმ ხანდაზმული ქალბატონებისათვის, ვისაც ბინის პრობლემა აქვს.ხანდაზმულები სარგებლობენ კომპლექსის ყველა სერვისით, მათ სამჯერადი კვება და ყოველდღიური საექიმო მომსახურება აქვთ.

ემსახურება ყველა ბენეფიციარს, ვინც სარგებლობს სასადილოს მომსახურებით, აგრეთვე სოციალურად დაუცველ სხვა მოქალაქეებს. სულ სამედიცინო აღრიცხვაზე აყვანილ ადამიანთა რაოდენობა 1500-ს აჭარბებს.

კათარზისის სასადილო 430 ხანდაზმულს ემსახურება ყოველდღიურად, ასევე, 23 მწოლიარე ავადმყოფს ამარაგებს მშრალი საკვები პროდუქტებით ყოველთვიურად.

კათარზისის სილამაზის სალონი ყველასთვის ღიაა; ნებისმიერ ხანდაზმულს შეუძლია სილამაზის სალონის მომსახურებით ისარგებლოს თუკი ამის სურვილი ან საჭიროება აქვს.